उदयपुर — कटारी नगरपालिकाले आर्थिक वर्ष २०८२/८३ का लागि ८७ करोड ६५ लाख ३ हजार ४ सय ३९ रुपैयाँको बजेट सार्वजनिक गरेको छ। उपमेयर गिता खड्काले १५औं नगरसभामा नीति, कार्यक्रम र बजेट प्रस्तुत गर्नुभयो।
संघ र प्रदेश सरकारबाट अनुदान, राजस्व बाँडफाँट, आन्तरिक आम्दानी र मालपोत आयसमेत गरी बजेट विनियोजन गरिएको हो। चालु तथा विविध कार्यक्रमका लागि १४ करोड ४८ लाख, पूँजीगततर्फ ५ करोड ८७ लाख, वडा र विषयगत कार्यक्रमका लागि गरी कुल ४१ करोड ६३ लाख विनियोजन गरिएको छ।
मेयर राजेशचन्द्र श्रेष्ठले गहुँबारी वर्थिङ्ग सेन्टरबाट नगर अस्पताल सञ्चालन, कृषि एम्बुलेन्स सेवा, एक वडा–एक पकेट क्षेत्र कार्यक्रम, र चार वटा वडा भवन निर्माण सम्पन्न भएको जानकारी दिनुभयो। उपमेयर खड्काले कृषि प्राविधिक खटाउने, लैंगिक तथा सामाजिक समावेशीकरण र दलितसम्बन्धी ऐन कार्यान्वयन गर्ने नीतिहरू सार्वजनिक गर्नुभयो।
त्यसैगरी लैंगिक सशक्तीकरण तथा सामाजिक समावेशीकरण सम्वन्धि नीति तथा दलित सम्बन्धि ऐनलाई आगामी आर्थिक वर्षमा पारित गरी कार्यान्वयन गर्ने नगरपालिकाको नीति छ । नीति बमोजिम ऐन वनाएर राजपत्रमा प्रकाशित गरी प्रकृया अघि बढाईने नगरपाकिलाका प्रमुख प्रशासकीय अधिकृत राजन थापाले बताउनुभयो ।
