१६ मंसिर २०८२, सोमबार
01-12-2025 , Mon
×

उदयपुरमा जेनजी प्रदर्शन : सरकारी कार्यालयमा तोडफोड र आगजनी

Logo
पब्लिक समाचार प्रकाशित मंगलबार, भाद्र २४, २०८२

उदयपुर भदौ २४  — जेनजी प्रदर्शन सोमबार दिउँसोदेखि उदयपुरमा उग्ररुप लिँदै गएपछि जिल्लाभर त्रासपूर्ण वातावरण सिर्जना भएको छ । प्रदर्शनकारीले जिल्ला प्रशासन कार्यालय, जिल्ला अदालतसहित बोक्से क्षेत्रका विभिन्न सरकारी कार्यालयमा तोडफोड गरेका छन् । यसक्रममा गाईघाट स्थित त्रियुगा नगरपालिका अगाडि पनि प्रदर्शनकारीले व्यापक तोडफोड तथा आगजनी गरेका छन् ।

प्रदर्शनकारीले नगरपालिकाको न्यायिक समिति र अन्य विभिन्न शाखामा प्रयोग हुने कागजात, कुर्सी, टेबल लगायतका सामग्री बाहिर निकालेर सडकमै थुपारेर आगजनी गरेका थिए ।

तोडफोडका कारण  कार्यालयका ढोका, भ्याल र भौतिक संरचनामा ठूलो क्षति पुगेको छ । आकस्मिक रूपमा भएको आक्रमणका कारण कार्यालयमा रहेका कर्मचारी र सेवाग्राहीहरु भागाभाग गर्दै ज्यान जोगाउन बाध्य भएका थिए ।

घटनापछि सुरक्षाकर्मी परिचालन गरिएको र स्थिति नियन्त्रणमा लिएको थियो ।  बेलुकीसम्म पनि जिल्लामा अवस्था तनावपूर्ण नै रहने र सर्वसाधारणहरुमा  त्रासको सिर्जनाहुने  प्रत्यक्षदर्शीहरुले बताएका छन् ।

कमेन्ट गर्नुहोस्
सम्बन्धित

उदयपुर भदौ २४ – सरकारविरुद्ध चर्किएको आन्दोलन अन्तर्गत जेनजी प्रदर्शनकारी समूहले उदयपुरको त्रियुगा नगरपालिका स्थित बी.पी. कोइरालाको शालिक तोडफोड गरि आगजनी गरेको छ । मंगलबार दिउँसो आन्दोलित समूहले गाईघाटस्थित मदनभण्डारी राजमार्गको बीच भागमा बनेको बी.पी. चोकमा रहेको शालिकलाई निशाना बनाउँदै क्षति पुर्‍याएको हो । स्थानीयले बताएअनुसार, ठूलो संख्यामा भेला भएका प्रदर्शनकारीहरूले चोकमा नाराबाजी गर्दै शालिकमा […]

उदयपुर  भदौ २४- जेनजी प्रदर्शनकारी समूहले मंगलबार त्रियुगा नगरपालिका पूर्व मेयर बलदेव चौधरीको पुरानो गाईघाट स्थित निवासमा तोडफोड गरेको छ । दिउँसोदेखि उग्र बनेको आन्दोलनको क्रममा प्रदर्शनकारीहरूले घरमा प्रवेश गरी ढुंगा-मुढा प्रहार गर्दै झ्याल, ढोका र अन्य भौतिक संरचनामा क्षति पुर्‍याएका हुन् । घरमा तोडफोड हुँदा पूर्व मेयर चौधरीको परिवार भने सुरक्षित रहेको प्रहरीले जनाएको […]

उदयपुर भदौ २४— उदयपुरमा जेन्जी आन्दोलनले उग्र रुप लिँदैगर्दा गाईघाटको त्रियुगा बसपार्क नजिक रहेको नेकपा (माओवादी) पार्टी कार्यालयमा मंगलबार आगजनी गरेको छ। दिउँसोदेखि तीव्र बनेको प्रदर्शनले त्रियुगा नगरपालिकाभित्रका सरकारी कार्यालय, नगरपालिका भवन र विभिन्न राजनीतिक दलका कार्यालयमा समेत तोडफोड र आगजनी गरेको छ । आन्दोलनकारी युवाहरूको भीड दिउँसोदेखि गाईघाट बजार क्षेत्रमा सक्रिय रहँदै आएको थियो। […]