ट्राफिक नियमको प्रभावकारी कार्यान्वयन र सडक सुरक्षा प्रति आम नागरिकमा चेतना अभिवृद्धि गर्ने उद्देश्यले उदयपुरमा ट्राफिक सप्ताह सुक्रबार बाट सुरु भएको छ ।
बिहान ७ बजे गाईघाटको पिपलचोक देखी सुरु भई त्रियुगा बसपार्कमा प्रभातफेरी र्याली समापन गरिएको थियो। कार्यक्रममा त्रियुगा नगरपालिका प्रमुख उप-प्रमुख , जिल्ला प्रमुख अधिकारी ,नेपाल ट्राफिक प्रहरी ,सुरक्षाकर्मीहरू,स्थानिय विद्यालयका विद्यार्थी, गैरसरकारी संस्थाका प्रतिनिधि तथा सर्वसाधारणहरुको उल्लेखनीय उपस्थिति थियो।
कार्यक्रममा त्रियुगा नगरपालिका प्रमुख वसन्त कुमार वस्नेतले उद्घाटन मन्तव्य दिंदै सडक दुर्घटनाको दर घटाउन नागरिक सचेतना अत्यावश्यक रहेको बताउँदै ट्राफिक नियम पालनामा सबैले जिम्मेवारीपूर्वक भूमिका खेल्नुपर्नेमा जोड दिनुभयो।
एक हप्ता सम्म संञ्चालन हुने सप्ताह कार्यक्रमा दुर्घटना न्युनिकरण सम्बन्धि बिभिन्न सचेतना कार्यक्रमहरु गरिने आयोजकले जनाएको छ ।
