“दक्षिणपन्थी यथास्थितिवादको विरोध गरौँ, समाजवादको दिशामा अघि बढौँ” भन्ने मूल नाराका साथ ने कपा एकीकृत समाजवादी उदयपुरको सन्देश सभा सुक्रबार सम्पन्न भएको छ । सभा जिल्लाको सदरमुकाम गाईघाटस्थित पिपल चोकमा सम्पन्न भएको हो ।
एकीकृत समाजवादीले सातै प्रदेशमा सन्देश सभा आयोजना गर्ने निर्णयअनुसार कोशी प्रदेश को उदयपुरमा शुक्रवार पहिलो सन्देश सभा गरेको हो । कार्यक्रमलाई सम्बोधन गर्दै पार्टीका अध्यक्ष तथा पूर्वप्रधानमन्त्री माधव कुमार नेपालले पार्टीले लिएको नीति र कार्यक्रममार्फत मात्र समाजवादको लक्ष्यमा पुगिने बताए । कार्यक्रममा जसपा र माओवादी केन्द्रका नेता तःथा कार्यकर्ताहरुले पार्टी प्रवेश गरेका थिए ।
नेकपा एकीकृत समाजवादी उदयपुरका अध्यक्ष विनोद कुमार खड्काको अध्यक्षतामा भएको सो सन्देश सभामा सो पार्टीका उपाध्यक्ष जगन्नाथ खतिवडा, पार्टीका केन्द्रीय सचिव बलदेव चौधरी संविधानसभा सदस्य दुर्गा परियार, केन्द्रीय सदस्य घनेन्द्र बस्नेत, पूर्व कोशी प्रदेशसभा सदस्य सुनिता चौधरी लगायतका वक्ताहरुले मन्तव्य दिएका थिए ।
