दिवंगत पितृहरुको सम्झनामा शुक्रवार उदयपुरको त्रियुगा नगरपालिका १२मा रहेको शान्ति धाममा सामुहिक तुलसी रोपन कार्यक्रम सम्पन्न भएको छ ।
त्रियुगा नगरपालिका १२ स्थित शान्ति धाममा केहि महिना अघिबाट निर्माण सुरु गरिएको तुलसी मठमा शुक्रवार पुत्रदा एकादसिको अबसरमा आ–आफ्ना पितृहरुको सम्झना स्वरुप तुलसी रोपिएको हो । केहि महिना अघिबाट आफ्ना आफन्तहरुको स्मृतिमा शान्ती धाममा निर्माण गरिएको मठमा शुक्रबार एक धार्मिक कार्यक्रमका बिच तुलसी रोपण गरीएको शान्तिधामका प्राचार्य तथा तुलसीमठ निर्माणका सयोजक टंक गुरागाइले जानकारी दिनु भयो ।
शान्तिधाम क्षेत्रमा दिबंगत भएका आफ्नाहरुको सम्झनामा ब्याक्ति बिशेसबाट १सय ५१ वटा तुलसीमठ निर्माण गरीएको थियो । उक्त मठमा दिवंगत हुनु भएका आफ्नतहरुको नाम र निर्माण गर्नेहरुको नाम समेत लेखेर मठ निर्माण गरी तुलसी रोपिएको शान्तिधामका प्राचार्य तथा तुलसी मठ निर्माणका संयोजक गुरागाइले बताउनु भयो ।
