नेवार समुदायले भब्य रुपमा मनाउने लाखे जात्रा पर्व यहि भाद्र ३ गते अर्थात जनै पुर्मिमाको दिन सुरू हुदैछ ।
नेवारी समुदायको बाहुल्यता भएको स्थानहरूमा भब्य रूपमा मनाईने यश जात्रा उदयपुरमा समेत भब्य रूपम मनाईन्दै आएको छ ।उदयपुर सदरमुकाम गाईघाट स्थित झिगु नेवा पुच को कार्यालयबाट मनाउने लाखे जात्राको लागि लाखे नाच, नित्य, धिमे लगायत सिकाउने काम भैरहेको झिगु नेवा पुच गाईघाटका अध्यक्ष ज्ञानेन्द्र कुमार श्रेष्ठले जानकारी दिनु भएको छ ।
अध्यक्ष श्रेष्ठका अनुसार यस बर्षको गाईजात्रा अन्य बर्षहरु भन्दा पृथक हुने बताउनु भयो । अध्यक्ष श्रेष्ठले त्रियुगा नगरपालिकाका बिभिन्न वडाहरुमा लाखे नृत्यको तयारी भैरहेको भन्दै यो बर्षबाट ५ बटा लाखे निकाल्ने तयारी गरी रहेको समेत बताउनु भएको छ ।
बिगतहरुका बर्षहरुमा श्री कृष्ण जन्माष्टमी महोत्सवमा राधा कृष्ण मन्दिरको परिसरमा लाखे नाच तथा सास्कृतिक कार्यक्रम हुदै आएको भएता पनि यस बर्षबाट भने गार्ईघाट बजारमा लाखे नाच तथा सास्कृतिक कार्यक्रम गरिने भएको छ राधा कृष्ण मन्दिरमा अत्याधिक भिडभाड हुने र सर्वसाधारण र दर्शकहरुलाइ समस्या भएको भन्दै सहज तरीका बाट लाखे नाच कार्यक्रम सबैले हेर्न सकुन भन्ने उदेस्यले बजारमा कार्यक्रम गर्न खोजेको झिगु नेवापुच को कार्यालयले जानकारी दिएको छ ।
