सामाजिक सुरक्षा भत्ताका लागि राष्ट्रिय परिचयपत्र अनिवार्य गरेपछि जिल्ला प्रसाशन कार्यालय गाईघाटमा परिचयपत्र लिन सेवाग्राहीको भिड बढेको छ ।
मन्त्रिपरिषद्को गत जेठ २४ को निर्णयानुसार पहिलो चरणमा २८ जिल्लामा आगामी १ साउनदेखि सामाजिक सुरक्षा भत्ता नवीकरण गर्न राष्ट्रिय परिचयपत्र अनिवार्य गरेपछि उदयपुर गाईघाटको जिल्ला प्रशासन कार्यालयमा राष्ट्रिय परिचयपत्र बनाउनेको भिड लागेको हो ।
गाउँ गाउँबाट सेवाग्राही आउने गरेकाले एकै पटक सेवाग्राहीको चाप हुँदा बिदाको दिनमा पनि सेवा सेवाग्राहीहरुलाइ बिहान ७ देखि साँझ ७ बजेसम्म सेवा दिई रहेको छ । जिल्ला प्रशासन कार्यालय उदयपुरका साहायक प्रमुख जिल्ला अधरिकारी लक्ष्मी प्रसाद रेग्मीले सामाजिक सुरक्षा भत्ता लिने नागरिकहरुलाई राष्ट्रिय परिचय पत्रमा हुने योजना अनुरुप राष्ट्रिय परिचय पत्र बाड्ने भएपछी नागरिकहरुको भिड बढ्न थालेको बताउनु भयो । पहिले २ ओटा स्टेशन बाट काम हुदै आएकोमा अहेले भिड बढेपछि ४ ओटा स्टेशन बाट काम भैरहेको समेत रेग्मीले बताउनु भयो ।
ज्येष्ठ नागरिक तथा अपाङ्गता भएका व्यक्तिलाई राष्ट्रिय परिचय पत्रका लागि जिल्ला प्रशासन कार्यालयमै जानुपर्ने बाध्यता र घण्टौँसम्म लाईनमा बस्न बाध्य भएकाले घरघरमै राष्ट्रिय परिचय पत्र दिने व्यवस्थाका लागि पुन वडा वडामा विवरण सङ्कलन टोली खटाउन समेत सेवाग्राहीले माग गरेका छन् ।
