त्रियुगा नगरपालिका ११ स्थित गाईघाटको पिजि चोकमा शुक्रबार विहान मोटरसाईकल दुर्घटनामा परि एक युवाको ज्यान गएको छ । बिहान अन्दाजी १:३० बजे प्र १-०५-००१ प्र ७४३० नम्बरको मोटरसाईकल अनियंत्रित भै दुर्घटना भएको हो । दुर्घटनामा परि मोटरसाइकलमा सवार मेन चोक निवासी २२ बर्षका ज्ञानेन्द्र मलाह र अर्को २२ बर्षका मनोज चौधरी गम्भीर घाइते भएका थिए । मनोज चौधरीको भने उपचारको क्रममा निधन भएको हो । ज्ञानेन्द्र मलाह लाई बिराटनगर रिफर गरिएको जिल्ला ट्राफिक प्रहरी प्रमुख वरिष्ट नायव निरीक्षक लोकबहादुर दियालीले बताए । घट्नाबारे थप अनुसन्धान भईरहेको प्रहरीले जनाएको छ ।
