त्रियुगा नगरपालिकाको संयोजन तथा बाल अपाङ्ग टेवा संस्थाको सहयोगमा नगरपालिकामा बसोबास गर्ने शारिरिक रुपमा अपाङ्गता भएका युवा वृद्ध तथा बालबालिकालाई निः शूल्क व्हीलचेयर (WheelChair) प्रदान गरिएको छ । बिहिवार नगरपालिकाले एक कार्यक्रम आयोजना गरी नगर प्रमुख बसन्त कुमार बस्नेत र उपप्रमुख महेश्वरी राई द्वारा संयुक्त रुपमा नगरपालिकामा बसोबास गर्ने विभिन्न वडाका ४४ जनालाइ व्हीलचेयर प्रदान गरिएको हो ।
कार्यक्रममा प्रमुख अतिथी नगर प्रमुख बसन्त बस्नेतले अपाङ्गता भएका व्यक्तिहरुको दैनिकीसंग जोडिएको उनीहरुको अति आबश्यक साधन ह्वीलचियर हो। यो ह्वीलचियर बिना अपाङ्गता भएका व्यक्तिहरु हल्लिन र हिड्डुल गर्न सक्दैनन्। जो व्यक्तिले ह्वीलचियर प्राप्त गरेका छन् , उनीहरु गाउँठाउं र समाजमा घुलमिल हुनुको साथै आफ्नो क्षमता अनुसारको दैनिकी र जीविका गुजारा गर्न समेत सहयोग पुग्ने बालबालिकाको निरन्तर सेवा तथा बाल अधिकार स्थापनाका लागि काम गर्दै आएको बाल अपाङ्ग टेवा संस्थाले गरेको कार्यप्रति धन्यवाद व्यक्त गरे ।
त्रियुगा नगरपालिकाका उप प्रमुख महेश्वरी राईले बाल अपाङ्ग टेवा संस्थाले गरेको यो कार्यक्रम सराहनिय रहेको भन्दै नगरपालिकाले पनि नगरको लक्ष्ति वर्गको कार्यक्रममा यस्ता कार्यक्रम संचालन गरिरहेको बताइन । उनले आगामी दिनमा पनि लक्षित वर्गका कार्यक्रम संचालन गर्नका लागि विभिन्न संघ संस्थाहरुसँगको समन्वयलाई जोड दिइने पनि बताए ।
वर्षाै सम्म अपाङ्गता भएर पनि दुःखदायी जीवन विताइरहेका नागरिकहरु भने ह्विल चियर पाएपछि खुसी भएका थिए ।
