उदयपुर भदौ २४— उदयपुरमा जेन्जी आन्दोलनले उग्र रुप लिँदैगर्दा गाईघाटको त्रियुगा बसपार्क नजिक रहेको नेकपा (माओवादी) पार्टी कार्यालयमा मंगलबार आगजनी गरेको छ।
दिउँसोदेखि तीव्र बनेको प्रदर्शनले त्रियुगा नगरपालिकाभित्रका सरकारी कार्यालय, नगरपालिका भवन र विभिन्न राजनीतिक दलका कार्यालयमा समेत तोडफोड र आगजनी गरेको छ ।
आन्दोलनकारी युवाहरूको भीड दिउँसोदेखि गाईघाट बजार क्षेत्रमा सक्रिय रहँदै आएको थियो। प्रहरीले स्थिति नियन्त्रणमा लिन प्रयास गरे पनि प्रदर्शनकारीहरू अझै आक्रामक बनेपछि नगरक्षेत्र नै तनावग्रस्त बनेको छ।
हालसम्म आगजनी र तोडफोडबाट ठुलो मात्रामा भौतिक क्षति भएको अनुमान गरिएको छ भने विस्तृत विवरण आउन बाँकी छ।
