उदयपुर भदौ २४— त्रियुगा नगरपालिका गाईघाट स्थित प्रमुख राजनीतिक दलका पार्टी कार्यालयहरूमा मंगलबार जेनजी प्रदर्शनकारी समूहले तोडफोड र आगजनी गरेको छ।
प्रदर्शनकारीको भीडले पहिले नेपाल कम्युनिष्ट पार्टी (एमाले) को पार्टी कार्यालयमा ढुंगामुढा गर्दै भवनका मुलगेट सिसा र फर्निचर तोडफोड गरेको प्रहरीले जनाएको छ। त्यसपछि उनीहरू संगमटोलमा रहेको नेपाली कांग्रेसको पार्टी कार्यालयतर्फ पुगेका थिए। सो क्रममा कांग्रेस कार्यालयको ढोका, झ्याल तथा कार्यालयका सामग्री क्षति पु¥याइएको छ भने आगजनी समेत गरिएको छ।
घटनापछि जिल्लाभर सुरक्षा सतर्कता बढाइएको छ। एमाले र कांग्रेस दुबै पक्षले शान्तिपूर्ण आन्दोलनको नाममा हिंसात्मक क्रियाकलाप गरिएको भन्दै आपत्ति जनाएका छन्।
