उदयपुर, असार १४ – उदयपुगढी गाउँपालिकामा खेलकुदको प्रवर्द्धन तथा समुदायबीचको एकता सुदृढ गर्ने उद्देश्यले आयोजना गरिएको गाउँपालिकास्तरीय महिला–पुरुष व्याडमिन्टन प्रतियोगिता २०८२ शुक्रबारदेखि सुरु भएको छ।
“स्वास्थ्यका लागि खेलकुद, राष्ट्रका लागि खेलकुद” भन्ने नाराका साथ सुरु भएको प्रतियोगिताको उद्घाटन गाउँपालिका अध्यक्ष मानबहादुर केप्छाकी मगरले एक विशेष समारोहबीच गर्नुभयो। प्रतियोगिता वडा नं। ६ नेपालटारस्थित नवनिर्मित व्याडमिन्टन हलमा शनिबारसम्म सञ्चालन हुनेछ।
गाउँपालिका खेलकुद विकास समितिको आयोजनामा प्रतियोगितामा महिला तर्फ ७ टिम र पुरुष तर्फ २० टिमको सहभागीता रहेको छ। आयोजकका अनुसार प्रतियोगितामा जनप्रतिनिधि, पेशाकर्मी, कर्मचारी र सर्वसाधारण समेतको सक्रिय सहभागिता देखिएको छ।
पुरस्कार को राशी
खेलकुद विकास समितिका अनुसार प्रतियोगिताको विजेता टिमलाई महिलातर्फ नगद रु १०,००० र पुरुषतर्फ रु १५,०००, ट्रफी र प्रमाणपत्र प्रदान गरिनेछ। उपविजेताले क्रमशः महिलातर्फ रु ५,००० र पुरुषतर्फ रु १०,००० प्राप्त गर्नेछन्। त्यसैगरी, तेस्रो स्थान हासिल गर्ने दुई(दुई टिमलाई पनि नगद पुरस्कार प्रदान गरिनेछ — महिलातर्फ रु २,५०० र पुरुषतर्फ रु ५,०००का दरले पुरस्कृत गरिने छ ।
