उदयपुर, असार १२ -सरकारले आर्थिक वर्ष २०८२/८३ को बजेटमार्फत सुन, चाँदी र बहुमूल्य पत्थरमा कर वृद्धि गरेपछि देशभरका सुनचाँदी व्यवसायीहरू विरोधमा उत्रिएका छन्।
सगरमाथा सुनचाँदी व्यवसायी संघ र उदयपुर सुनचाँदी व्यवसायी संघको संयुक्त आयोजनामा गाईघाट, कटारी, बेल्टार, रामपुरलगायत प्रमुख बजार क्षेत्रका व्यवसायीहरूले (भोलि) शुक्रबार आ-आफ्ना पसल पूर्ण रूपमा बन्द गरेर शान्तिपूर्ण विरोध कार्यक्रम गर्ने निर्णय गरेका छन्।
यसअघि पनि जेष्ठ २९ गते गाईघाटमा विरोध प्रदर्शन भएको थियो। पछिल्लो चरणको आन्दोलन नेपाल सुनचाँदी व्यवसायी महासंघको निर्देशनमा देशव्यापी रूपमा सन्चालन हुँदैछ। उदयपुरमा गाईघाटस्थित पिपलचोकबाट विरोध र्याली सुरु भई नगर परिक्रमा गर्दै कोणसभामा परिणत हुने कार्यक्रम तय गरिएको छ।
संघले सरकारलाई कर पुनरावलोकन गर्न र व्यवसायमैत्री नीति ल्याउन आग्रह गर्दै चेतावनी दिएको छ— “यदि मागहरू सम्बोधन भएनन् भने देशव्यापी रूपमा आन्दोलन थप कडा बनाइने संघ को भनाइ छ ।
व्यवसायीहरूको मुख्य मागहरू -सुनमा लगाइएको २% विलासीता कर तत्काल खारेज गरिनु पर्छ। हिरा तथा बहुमूल्य पत्थरमा लाग्ने १३% मूल्य अभिवृद्धि कर (VAT) हटाइनु पर्छ। सुनको भन्सार दर ६% कायम गरिनु पर्छ।
