सप्तरी, असार १२ – पूर्व–पश्चिम राजमार्गअन्तर्गत सप्तरीको कञ्चनरुप नगरपालिकास्थित छुट्टाछुट्टै स्थानमा बुधबार साँझ स्कुटरले साइकललाई ठक्कर दिँदा चार जना घाइते भएका छन्। घाइतेमध्ये एकजनाको अवस्था गम्भीर छ।
पहिलो दुर्घटना कञ्चनरुप नगरपालिका–६ परेमारामा साँझ ७स्४० बजे भएको हो। फत्तेपुरबाट कंचनपुरतर्फ जाँदै गरेको प्र।१–०२ प ६१८६ नम्बरको स्कुटरले सोही दिशाबाट अगाडि गइरहेको साइकललाई ठक्कर दिँदा दुई जना घाइते भएका हुन्।
दुर्घटनामा साइकल यात्री अन्दाजी ५५ वर्षीय लुटाई खंग घाइते भएका छन्। खंगको खुट्टामा चोट लागेको इलाका प्रहरी कार्यालय कंचनपुरले जनाएको छ। स्कुटर चालक सम्भुनाथ नगरपालिका–९ निवासी अन्दाजी २३ वर्षीय अशोक चौधरीको अनुहार र खुट्टामा चोट लागेको छ। दुवै जनाको उपचार धर्मेश्वर अस्पताल, ठेलियामा भइरहेको प्रहरीले जनाएको छ।
त्यसैगरी, सोही साँझ ८ बजे कञ्चनरुप–११ स्थित सिमरा चोकमा अर्को दुर्घटना भएको छ। कंचनपुरबाट ठेलियातर्फ गइरहेको प्र।१–०१–००५ प ६५६४ नम्बरको स्कुटरले बाटो काट्दै गरेको साइकललाई ठक्कर दिँदा साइकल यात्री ५५ वर्षीय विजय कुमार मण्डल घाइते भएका हुन्। उनको टाउको र खुट्टामा चोट लागेको र उपचार धर्मेश्वर अस्पताल, ठेलियामा भइरहेको प्रहरीले जनाएको छ। मण्डलको अवस्था मध्यम रहेको बताइएको छ।दुवै घटनाका स्कुटर र साइकललाई इलाका प्रहरी कार्यालय ठेकियाले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
