उदयपुरमा पहिरोमा परी ज्यान गुमाएका परिवारलाई कोशी प्रदेश सरकारले १ लाख राहत उपलब्ध गराएको छ ।
गत असार ९ गते परेको अविरल वर्षाका कारण पहिरोमा परी ज्यान गुमाएका उदयपुरको त्रियुगा नगरपालिका १५ खाबु स्थित तोरीबारीका परिवारलाई बिहिवार राहत वितरण गरिएको हो । अविरल वर्षाका कारण पहिरोमा परी ९ बर्षिय रुपकला मगरको मृत्यु भएको थियो ।
कोशी प्रदेश सरकारले बाढी र पहिरोमा परी मृत्यु भएकाको परिवारलाई एक लाख रुपैयाँका दरले राहत दिने निर्णय गरे बमोजिम बिहिवार कोशि प्रदेश सरकारका आन्तरिक मामिला तथा कानुन मन्त्रि लिला बल्लव अधिकारी र उप सभामुख सिर्जना दनुवारले घटनास्थलमै पुगेर आंशिक रुपमा क्षति भएका २३ घरधुरीलाइ टेण्ट ,लत्ताकपडा,खाध्यन,त्रिपाल लगायत अति आवस्यक सामाग्री हस्तान्तरण गर्नु भएको हो ।
असार ९ गते लगातार परेको बर्षाका कारण पहिरो जादा खाबुँ स्थित तोरीबारी बस्ने ९ बर्षिय रुपकला मगरको मृत्यु भएको थियो भने उनकि ४० बर्षिय आमा हिराकुमारी मगर र उनको भाइ ७ बर्षिय योगेश मगर गम्भीर घाइते भएका थिए । उप सभामुख सिर्जना दनुवारको पहलमा घाइते भएका हिराकुमारी मगर र योगेश मगरको निशुल्क उपचार समेत भएको थियो ।
हस्तान्तरण कार्यक्रममा प्रदेशसभाका माननीय सदस्यहरु त्रियुगा नगरपालिका उपप्रमुख ,प्रमुख जिल्ला अधिकारी,बिभिन्न पार्टीका प्रमुख एबम प्रतिनिधि,सुरक्षा निकायका प्रमुख ,सामाजिक सघसस्थाका प्रमुख एबम प्रतिनिधिहरु सहितको टोलि उपस्थित रहेको थियो ।
