उदयपुर जिल्लाका त्रियुगा र बरुवा खोलामा पानीको वहाव उच्च भएसँगै बाढीको जोखिम बढेको छ । अविरल वर्षासँगै स्थानीय खोलाहरुमा आएको बाढीले उदयपुरको सदरमुकाम गाईघाट बजार जलमग्न भएको छ ।
अविरल वर्षाबाट जिल्लाको जनजीवन चौतर्फि रुपमा प्रभावित भएको छ । स्थानीय बरुवा र त्रियुगा खोलामा आएको बाढीले कतिपय स्थानमा तटबाध बगाउदा गाईघाट पूर्वको वस्तिहरु उच्च जोखिममा परेको छ । त्रियुगा नगरपालिका वडा नं ११ को असारी रोड र बजार क्षेत्रमा स्थानीय वासिन्दाका घर संगै पसलहरु डुवानमा परेका छन भने बजारको मुख्य चोकदेखि असारी लाईन मदन भण्डारी लोकमार्ग दायाँबायाँ रहेको खाद्यान्न पसल ,होटल र लुगा कपडा पसलहरुमा पानि पसेर व्यापार व्यवसायमा ठूलो क्षति गरेको छ ।त्रियुगा र बरुवा नदि लगायत अधिकांस खोला खहरेमा आएको बाढिले दजनौ बस्ती, र हजारौ हेक्टर खेतीयोग्य जमिन कटानको खतरामा रहेकेा प्रहरीले जनाएको छ ।
