त्रियुगा उद्योग बाणिज्य संघले त्रियुगा नगरपालिका क्षेत्रमा ढक–तराजु नवीकरण तथा दर्ता कार्य थालेको छ। गुणस्तर तथा नापतौल कार्यालय बिराटनगरको टोली खटाई उक्त काम सुरु गरिएको हो।
ढक तराजु नापतौल र दर्ताले उपभोक्ताहरुलाई ठगी बाट बचाउन सकिने हुँदा यसलाई नियमित रुपमा मापदण्ड अनुसार नाँपजाँच र दर्ता नविकरण गर्नु पर्ने संघले जनाएको छ। सरकारी मापदण्ड अनुरुप सुनचाँदी पसलको ढक तराजु १/१ बर्षमा र अन्य ढक तराजु भने २/२ बर्षमा गर्नु पर्ने नियम छ । सोही अनुरुप ब्यपारीहरुले काम नगरेको पाईने हुँदा उपोक्ताहरुलाई ठगिनबाट जोगाउन दर्ता तथा नविकरणको आवश्यक हुन्छ । त्रियुगामा साना तथा ठुला सबैखाले ब्यपारीहरुलाई नापतौल कार्यालयले दर्ता तथा नविकरण गरी प्रमाण पत्र उपलब्ध गराएको त्रियुगा उद्योग बाणिज्य संघका अध्यक्ष रमेश रसाईलीको भनाई छ ।
नवीकरण तथा दर्ता कार्यगर्न सेवाग्राहीहरू नगरबाहिरबाट समेत आएको जनाइएको छ। ढक–तराजु खरिद गर्दाको रसिद नभएकाले तथा आवश्यक कागजात नहुँदा र म्याद गुज्रेका कारण धेरै व्यवसायी सेवाबाट वञ्चित हुनुपरेको देखिएको छ।
