त्रियुगा नगरपालिका वडा नं १२ को झिन्गु नेवा : पुच को आयोजनामा ३ दिवसीय नेवारी परिकार तालिमको आइतबार समापन भएको छ ।पुष २७ गतेदेखि २९ गतेसम्म भएको सो तालिममा १२ नं वडाका १५ जना नेवारी महिलाहरुको सहभागिता रहेको थियो ।
तालिममा समयबजी र भोजको परिकारका साथै हरेक पर्वमा बनाइने खानाको बारेमा सैद्धान्तिक तथा व्यवहारिक प्रशिक्षण दिइएको थियो । कार्यक्रमका प्रमुख अथिति नगर प्रमुख वसन्त बस्नेत उप-प्रमुख महेश्वरी राई र कार्यबाहक वडा अध्यक्ष अनिता थापा ले मन्तव्य राखेका थए । नगर प्रमुख बस्नेतले भावी दिनमा नेवा पुचसँग सहकार्य गरेर नगरमा अन्य गतिविधिहरुलाई पनि विशेष जोड दिने उद्घोष गर्नुभयो ।
नेवार समुदाय परिकार र संस्कृतिले सदियौं देखि धनी समुदाय भएको कारणले आयोजित परिकार तालिमले संस्कृति र परिकारको संरक्षणमा टेवा पुग्ने उप-प्रमुख महेश्वरी राई ले बताइन । भाषा सस्कार र सस्कृति नायाँ पुस्तालाई हस्तान्तरण गर्ने र नया पुस्ताहरुलाई यस्ता तालिमहरु आबस्यक्ता रहेको समेत राई ले बताइन ।
त्रियुगा नगरपालिका भरि बहुसास्कृतिक र विभिन्न जातजातीहरुको बसोबास रहेको बताउदैं सबैले आ–आफ्नो कला संस्कृतिको संरक्षण गर्नु पर्ने १२ नं वडाका कार्यबाहक वडा अध्यक्ष अनिता थापा ले बताइन । त्यहि अभियान अन्तर्गत वडाले पनि यी र यस्ता कार्यक्रमको लागि सधै सहयोग गर्ने गरेको बताइन ।समापन कार्यक्रममा अतिथिहरुलाई मायाको चिनो प्रदान गर्नुका साथै नेवारी परिकार चखाइएको थियो ।समापन कार्यक्रम सञ्चालन झिन्गु नेवा पुच को सचिव गोपाल श्रेष्ठ ले गर्नुभएको थियो ।
