उदयपुरको उदयपुरगढी गाउँपालिकामा दोस्रो राष्ट्रपति रनिङ शिल्ड प्रतियोगिता सुरु भएको छ । मंगलबार बाट सुरु भएको प्रतियोगिता पुस २६ गते सुक्रबार सम्म सञ्चालन हुनेछ । प्रतियोगितामा १८ वटा विद्यालयको सहभागिता रहने छ ।
खेल उदयपुरगढी गाउँपालिकाको नमुना माध्यामिक विद्यालय भलायडाँडा हुनेछ । उक्त प्रतियोगिता को उद्घाटन जिल्ला समन्वय समिति उदयपुरका प्रमुख गौरबहादुर विक र पालिका अध्यक्ष मानबहादुर केप्छाकी मगरले गरेका थिए ।प्रतियोगितामा भलिबल, दौड, हाइजम्प, लङजम्प, त्रिपलजम्प, विधा समावेश गरिएको छ ।
प्रतियोगिताले विद्यार्थीलाई शैक्षिक विकाससँगै खेलकुद क्षेत्रमा पनि अब्बल बनाउन महत्त्वपूर्ण भूमिका खेल्ने गाउँपालिका अध्यक्ष मानबहादुर केप्छाकी बताउनुभयो ।उहाँले गाउँपालिकाले विद्यालयस्तरको शिक्षा र खेलकुदसँगै अगाडि बढाउन सबै एकजुट हुनुपर्ने पनि बताउनुभयो ।
कार्यक्रममा पालिका उपाध्यक्ष जितबहादुर खड्का, जिल्ला समन्वय अधिकारी नवराज खड्का, पालिका प्रमुख प्रशासकीय अधिकृत चित्रप्रसाद गुरागाई, विभिन्न पार्टीका नेताहरु, गाउँपालिका प्रवक्ता सहेक विक, नेपाल पत्रकार महासंघ उदयपुरका अध्यक्ष भरत खड्का लगायतको उपस्थित थियो । कार्यक्रमको उद्घाटनमा सहभागि खेलाडी विद्यार्थीहरुले मार्चपार्च र सलामी गरेका थिए ।
