१६ मंसिर २०८२, सोमबार
01-12-2025 , Mon
×

उदयपुरमा २०औं राष्ट्रिय थारु जितिया महोत्सव भव्यताका साथ हुने

Logo
पब्लिक समाचार प्रकाशित बिहिबार, भाद्र १९, २०८२

उदयपुर,भाद्र १९— उदयपुरको त्रियुगा नगरपालिका–४, सालधारी, बगहा स्थित जितमहान बाबा मन्दिर परिसरमा आउँदो २०८२ साल भदौ २९ गते आइतबार को दिन भव्य रूपमा २०औं राष्ट्रिय थारु जितिया महोत्सव आयोजना हुने भएको छ।

थारु समुदायको ऐतिहासिक, सांस्कृतिक र धार्मिक महत्व बोकेको जितिया पर्वलाई केन्द्रमा राखी आयोजना गरिने यस महोत्सवमा यस वर्ष विशेष आकर्षणका रूपमा वृहत्त थारु सांस्कृतिक, आधुनिक र पौराणिक नृत्य प्रतियोगिता हुने आयोजकले जानकारी दिएको छ।

आयोजक थारु कल्याणकारीणी सभा, त्रियुगा नगर समितिका अनुसार प्रतियोगितामा उत्कृष्ट प्रदर्शन गर्ने प्रतियोगीलाई आकर्षक पुरस्कार वितरण गरिनेछ। प्रथम पुरस्कार रु। १०,०००, द्वितीय पुरस्कार रु। ७,५०० र तृतीय पुरस्कार रु। ५,००० निर्धारित गरिएको छ। साथै सान्त्वना पुरस्कारको व्यवस्था पनि गरिएको छ।

महोत्सवलाई अझ रोचक र मनोरञ्जनात्मक बनाउन स्थानीय कलाकारदेखि राष्ट्रिय स्तरका ख्यातिप्राप्त कलाकारहरूको विशेष प्रस्तुति समेत रहनेछ। यसले कार्यक्रमलाई सांगीतिक र सांस्कृतिक रूपमा अझ भव्य बनाउने आयोजकहरूको विश्वास छ।

थारु कल्याणकारीणी सभाका पदाधिकारीहरूका अनुसार, यस्तो महोत्सवले थारु समुदायको मौलिक कला, परम्परा र संस्कृतिलाई संरक्षण गर्नुका साथै नयाँ पुस्तामा यसको महत्वबारे जागरण ल्याउने अपेक्षा गरिएको छ। साथै, यसले विभिन्न जाति–समुदायबीच आपसी सद्भाव, सामाजिक एकता र सहकार्यलाई थप मजबुत बनाउन समेत टेवा पुर्‍याउने विश्वास लिइएको छ।

कार्यक्रममा ठूलो संख्यामा स्थानीयवासी, सामाजिक अभियन्ता, जनप्रतिनिधि, बुद्धिजीवी, सञ्चारकर्मी तथा विभिन्न क्षेत्रका व्यक्तिहरूको उपस्थिति रहने आयोजकले अनुमान गरेका छन्।

कमेन्ट गर्नुहोस्
सम्बन्धित

उदयपुर भदौ २४ – सरकारविरुद्ध चर्किएको आन्दोलन अन्तर्गत जेनजी प्रदर्शनकारी समूहले उदयपुरको त्रियुगा नगरपालिका स्थित बी.पी. कोइरालाको शालिक तोडफोड गरि आगजनी गरेको छ । मंगलबार दिउँसो आन्दोलित समूहले गाईघाटस्थित मदनभण्डारी राजमार्गको बीच भागमा बनेको बी.पी. चोकमा रहेको शालिकलाई निशाना बनाउँदै क्षति पुर्‍याएको हो । स्थानीयले बताएअनुसार, ठूलो संख्यामा भेला भएका प्रदर्शनकारीहरूले चोकमा नाराबाजी गर्दै शालिकमा […]

उदयपुर  भदौ २४- जेनजी प्रदर्शनकारी समूहले मंगलबार त्रियुगा नगरपालिका पूर्व मेयर बलदेव चौधरीको पुरानो गाईघाट स्थित निवासमा तोडफोड गरेको छ । दिउँसोदेखि उग्र बनेको आन्दोलनको क्रममा प्रदर्शनकारीहरूले घरमा प्रवेश गरी ढुंगा-मुढा प्रहार गर्दै झ्याल, ढोका र अन्य भौतिक संरचनामा क्षति पुर्‍याएका हुन् । घरमा तोडफोड हुँदा पूर्व मेयर चौधरीको परिवार भने सुरक्षित रहेको प्रहरीले जनाएको […]

उदयपुर भदौ २४— उदयपुरमा जेन्जी आन्दोलनले उग्र रुप लिँदैगर्दा गाईघाटको त्रियुगा बसपार्क नजिक रहेको नेकपा (माओवादी) पार्टी कार्यालयमा मंगलबार आगजनी गरेको छ। दिउँसोदेखि तीव्र बनेको प्रदर्शनले त्रियुगा नगरपालिकाभित्रका सरकारी कार्यालय, नगरपालिका भवन र विभिन्न राजनीतिक दलका कार्यालयमा समेत तोडफोड र आगजनी गरेको छ । आन्दोलनकारी युवाहरूको भीड दिउँसोदेखि गाईघाट बजार क्षेत्रमा सक्रिय रहँदै आएको थियो। […]