उदयपुर,भाद्र १८ गते -नेत्रज्योति संघ उदयपुर र मदन भण्डारी आँखा अस्पताल, उदयपुरको संयुक्त आयोजनामा स्मृति बृक्षारोपण अभियानको छैटौं वार्षिकोत्सव विशेष कार्यक्रमका साथ सम्पन्न भएको छ। मदन भण्डारी आँखा अस्पतालको परिसरमा आयोजित कार्यक्रममा अब हामीमाझ नरहनु भएका प्रियजन र आफन्तलाई सम्झना र सम्मान प्रकट गर्ने उद्देश्यसहित वृक्षारोपण गरिएको थियो।
कार्यक्रममा जिल्ला प्रशासन कार्यालय उदयपुरका प्रमुख प्रेमप्रसाद लुईटेल र जीवनसाथी जानुका लुईटेलले स्व. बुवा छत्रपति लुईटेलको स्मृतिमा विरुवा रोपेका हुन् । त्यस्तै, सामाजिक व्यक्तित्व मिना कुमारी राई (रन्जु) र संचारीका समूह उदयपुरकी अध्यक्ष गंगा राईले स्व. पिता मानध्व राईको स्मृतिमा विरुवा रोपेका थाए ।
सो अवसरमा कोशी प्रदेश उपसभामुख सिर्जना दनुवार, त्रियुगा नगरपालिका उप–मेयर महेश्वरी राई लगायतको उल्लेखनीय उपस्थिति रहेको थियो। संघका अध्यक्ष भागवत राउतका अनुसार हरित वातावरण प्रवर्द्धनसँगै दिवंगत आत्माको सम्झनामा नयाँ पुस्तालाई प्रेरित गर्ने सन्देश दिनु यसको मुख्य लक्ष्य रहेको बताएको छ।
समारोहमा रोपिएका विरुवाहरुलाई गोडमेल, पानी र मल अर्चना गर्दै अस्पतालले कार्यक्रममा सहभागी भई उक्त अभियानलाई सफल बनाउनु भएका सम्पूर्ण महानुभावप्रति हार्दिक धन्यवाद व्यक्त गरेका छन्।
